Attacken Part 2

I tua nix weiter als therapiern, man deaf si an mia abreagiern,
i sauf den Hass ausm Männerhirn, dann kann auf der Straß nimmer so vül passiern 
und i mach fromm die Augn zua und geb a Ruah.

Freili mog i mei Oawat gean, verkauf mein Körper an den solventn Herrn, 
verkauf ean fiar an Haufa Göld und wenn ma a Freier goa ned gfallt,
dann mach i fromm die Augn zua und geb a Ruah.

Ehefraun machen ’s Gleiche, nua putzns, kochans und waschn dazua
und hom bloß oan ,dea eana gfällt und leben in oana ganz kloana Wöit 
und machen fromm die Augn zua und gebn a Ruah.

Ehefraun, miaßats dankbar sei. I bring Entlastung, ihr hobts derweil frei. 
Ihr nehmts euer Elend a Leben lang in Kauf, owa i sparma wos und dann höri auf. 
Derweil mach i die Augn zua und geb a Ruah.

Die Zeit varrint, i rechne nooch, die Spesn san ja vui zu hoch:
Untensilien und Klamottn, Alkohol und andre Drogn,
sonst hoiterst du dean Job ned aus als Pinkhaus-Maus.