Ja do schau her

Die Band spuit an Grampf zamm, des hoitst nimmer aus.  
Die schiaglate Gisela tanzt mitm Klaus.
Der Klaus frißt a Cognacglasl, weils eam so schmeckt.
D' Gisi bleckt.

Im Saal sitzt äids bloß nu der bsuffane Fred  
bloß weil der Hamml auf d' Petra so stäiht. 
Des ois is a Gfrieß. Bloß daß Schütznball is,
des is gwieß.
 

Der Isidor mecht, owa da Lisa is schlecht.
As Mirl is auf Speim und will nimmer dou bleim.
Der Karre fai't um und schaut wäi der Ochs auf der Kouh:
so dumm.
 

As Reserl is glusert, findt owa koan.
Der Franz hätts scho megn, hod owa's Gleichgwicht valorn.
Des ois is a Gfrieß...