fläiß fluß

fluß fläiß, fläiß fluß
schäi, dassd ne steh bleibst, wenn i nebä dir her gäih
und weil du ned steh bleibst, bleib i a ned steh
i kammi nu so schiggn, du fläißt vill schneller wäi i gäih
ich hull di nie und nimmä ei, dou ko i gäih und gäih und gäih

fluß fläiß, fläiß fluß 
immer weider mou i mid dir gäih, bisd in an andern fluß fläißt
und der ander widder in an andern und so weider
immer weider bis ans meer 

und wäi i so newä dir her gäih
und auf dich horch wäist rauschsd, fläißt in mein kupf numol a fluß
und der fläißt und rauscht wäi du

fluß fläiß, fläiß fluß,  
wo isses meer, wou nehmi'n blouß es meer her
es meer fürn fluß in meim kupf, wou is des
wou

fläiß fluß, fluß fläiß …